ספר ויקרא יחידה 17
(כב:כו-לג)
1א
כב:כו וידבר יהוה אל משה לאמר כב:כז שור או כשב או עז כי יולד והיה שבעת ימים תחת אמו ומיום השמיני והלאה ירצה לקרבן אשה ליהוה
|
1ב
כב:כח ושור או שה אתו ואת בנו לא תשחטו ביום אחד כב:כט וכי תזבחו זבח תודה ליהוה לרצנכם תזבחו כב:ל ביום ההוא יאכל לא תותירו ממנו עד בקר אני יהוה
|
2א
כב:לא ושמרתם מצותי ועשיתם אתם אני יהוה
|
2ב
כב:לב ולא תחללו את שם קדשי ונקדשתי בתוך בני ישראל אני יהוה מקדשכם כב:לג המוציא אתכם מארץ מצרים להיות לכם לאלהים אני יהוה {פ}
|