ספר ויקרא יחידה 13
(יט:א-לז)
1א
A יט:א וידבר יהוה אל משה לאמר יט:ב דבר אל כל עדת בני ישראל ואמרת אלהם קדשים תהיו כי קדוש אני יהוה אלהיכם
|
1ב
A יט:יא לא תגנבו ולא תכחשו ולא תשקרו איש בעמיתו יט:יב ולא תשבעו בשמי לשקר וחללת את שם אלהיך אני יהוה
|
||
|
B יט:ג איש אמו ואביו תיראו ואת שבתתי תשמרו אני יהוה אלהיכם
|
B יט:יג לא תעשק את רעך ולא תגזל לא תלין פעלת שכיר אתך עד בקר יט:יד לא תקלל חרש ולפני עור לא תתן מכשל ויראת מאלהיך אני יהוה
|
||
|
C יט:ד אל תפנו אל האלילם ואלהי מסכה לא תעשו לכם אני יהוה אלהיכם
|
C יט:טו לא תעשו עול במשפט לא תשא פני דל ולא תהדר פני גדול בצדק תשפט עמיתך יט:טז לא תלך רכיל בעמיך לא תעמד על דם רעך אני יהוה
|
||
|
D i יט:ה וכי תזבחו זבח שלמים ליהוה לרצנכם תזבחהו יט:ו ביום זבחכם יאכל וממחרת והנותר עד יום השלישי באש ישרף יט:ז ואם האכל יאכל ביום השלישי פגול הוא לא ירצה יט:ח ואכליו עונו ישא כי את קדש יהוה חלל ונכרתה הנפש ההוא מעמיה
ii יט:ט ובקצרכם את קציר ארצכם לא תכלה פאת שדך לקצר ולקט קצירך לא תלקט יט:י וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם |
D i יט:יז לא תשנא את אחיך בלבבך הוכח תוכיח את עמיתך ולא תשא עליו חטא יט:יח לא תקם ולא תטר את בני עמך ואהבת לרעך כמוך אני יהוה
ii יט:יט את חקתי תשמרו |
||
2א
בהמתך לא תרביע כלאים שדך לא תזרע כלאים ובגד כלאים שעטנז לא יעלה עליך
|
2ב
יט:כ ואיש כי ישכב את אשה שכבת זרע והוא שפחה נחרפת לאיש והפדה לא נפדתה או חפשה לא נתן לה בקרת תהיה לא יומתו כי לא חפשה יט:כא והביא את אשמו ליהוה אל פתח אהל מועד איל אשם יט:כב וכפר עליו הכהן באיל האשם לפני יהוה על חטאתו אשר חטא ונסלח לו מחטאתו אשר חטא {פ}
|
2ג
יט:כג וכי תבאו אל הארץ ונטעתם כל עץ מאכל וערלתם ערלתו את פריו שלש שנים יהיה לכם ערלים לא יאכל יט:כד ובשנה הרביעת יהיה כל פריו קדש הלולים ליהוה יט:כה ובשנה החמישת תאכלו את פריו להוסיף לכם תבואתו אני יהוה אלהיכם
|
|
3א
A יט:כו לא תאכלו על הדם לא תנחשו ולא תעוננו יט:כז לא תקפו פאת ראשכם ולא תשחית את פאת זקנך יט:כח ושרט לנפש לא תתנו בבשרכם וכתבת קעקע לא תתנו בכם אני יהוה
|
3ב
A יט:לב מפני שיבה תקום והדרת פני זקן ויראת מאלהיך אני יהוה {ס}
|
||
|
B יט:כט אל תחלל את בתך להזנותה ולא תזנה הארץ ומלאה הארץ זמה יט:ל את שבתתי תשמרו ומקדשי תיראו אני יהוה
|
B יט:לג וכי יגור אתך גר בארצכם לא תונו אתו יט:לד כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם
|
||
|
C יט:לא אל תפנו אל האבת ואל הידענים אל תבקשו לטמאה בהם אני יהוה אלהיכם
|
C יט:לה לא תעשו עול במשפט במדה במשקל ובמשורה יט:לו מאזני צדק אבני צדק איפת צדק והין צדק יהיה לכם אני יהוה אלהיכם אשר הוצאתי אתכם מארץ מצרים יט:לז ושמרתם את כל חקתי ואת כל משפטי ועשיתם אתם אני יהוה {פ}
|
||