ספר שמות יחידה 9
(כב:יז-כג:יט)
1א
כב:יז מכשפה לא תחיה
|
1ב
כב:יח כל שכב עם בהמה מות יומת {ס}
|
1ג
כב:יט זבח לאלהים יחרם בלתי ליהוה לבדו
|
2א
כב:כ וגר לא תונה ולא תלחצנו כי גרים הייתם בארץ מצרים
|
2ב
כב:כא כל אלמנה ויתום לא תענון כב:כב אם ענה תענה אתו כי אם צעק יצעק אלי שמע אשמע צעקתו כב:כג וחרה אפי והרגתי אתכם בחרב והיו נשיכם אלמנות ובניכם יתמים {פ}
|
2ג
כב:כד אם כסף תלוה את עמי את העני עמך לא תהיה לו כנשה לא תשימון עליו נשך כב:כה אם חבל תחבל שלמת רעך עד בא השמש תשיבנו לו כב:כו כי הוא כסותה לבדה הוא שמלתו לערו במה ישכב והיה כי יצעק אלי ושמעתי כי חנון אני {ס}
|
3אA כב:כז אלהים לא תקלל B ונשיא בעמך לא תאר |
3בA כב:כח מלאתך ודמעך לא תאחר B בכור בניך תתן לי כב:כט כן תעשה לשרך לצאנך שבעת ימים יהיה עם אמו ביום השמיני תתנו לי |
3גA כב:ל ואנשי קדש תהיון לי B ובשר בשדה טרפה לא תאכלו לכלב תשלכון אתו {ס} |
4א
A כג:א לא תשא שמע שוא אל תשת ידך עם רשע להית עד חמס
|
4ב
A כג:ד כי תפגע שור איבך או חמרו תעה השב תשיבנו לו {ס}
|
4ג
A כג:ז מדבר שקר תרחק ונקי וצדיק אל תהרג כי לא אצדיק רשע
|
|
B כג:ב לא תהיה אחרי רבים לרעת ולא תענה על רב לנטת אחרי רבים להטת
|
B כג:ה כי תראה חמור שנאך רבץ תחת משאו וחדלת מעזב לו עזב תעזב עמו {ס}
|
B כג:ח ושחד לא תקח כי השחד יעור פקחים ויסלף דברי צדיקים
|
|
C כג:ג ודל לא תהדר בריבו {ס}
|
C כג:ו לא תטה משפט אבינך בריבו
|
C כג:ט וגר לא תלחץ ואתם ידעתם את נפש הגר כי גרים הייתם בארץ מצרים
|
5א
כג:י ושש שנים תזרע את ארצך ואספת את תבואתה כג:יא והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך
|
5ב
A כג:יב ששת ימים תעשה מעשיך וביום השביעי תשבת למען ינוח שורך וחמרך וינפש בן אמתך והגר
B כג:יג ובכל אשר אמרתי אליכם תשמרו ושם אלהים אחרים לא תזכירו לא ישמע על פיך
|
5ג
A כג:יד שלש רגלים תחג לי בשנה כג:טו את חג המצות תשמר שבעת ימים תאכל מצות כאשר צויתך למועד חדש האביב כי בו יצאת ממצרים ולא יראו פני ריקם כג:טז וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדה כג:יז שלש פעמים בשנה יראה כל זכורך אל פני האדן יהוה
B כג:יח לא תזבח על חמץ דם זבחי ולא ילין חלב חגי עד בקר כג:יט ראשית בכורי אדמתך תביא בית יהוה אלהיך
C לא תבשל גדי בחלב אמו {פ}
|