ספר דברים יחידה 13
(לב:מח-לד:יב)
1א
A לב:מח וידבר יהוה אל משה בעצם היום הזה לאמר לב:מט עלה אל הר העברים הזה הר נבו אשר בארץ מואב אשר על פני ירחו וראה את ארץ כנען אשר אני נתן לבני ישראל לאחזה
|
1ב
A לג:א וזאת הברכה אשר ברך משה איש האלהים את בני ישראל לפני מותו לג:ב ויאמר יהוה מסיני בא וזרח משעיר למו הופיע מהר פארן ואתה מרבבת קדש מימינו אשדת (אש דת) למו לג:ג אף חבב עמים כל קדשיו בידך והם תכו לרגלך ישא מדברתיך
|
|
B לב:נ ומת בהר אשר אתה עלה שמה והאסף אל עמיך כאשר מת אהרן אחיך בהר ההר ויאסף אל עמיו לב:נא על אשר מעלתם בי בתוך בני ישראל במי מריבת קדש מדבר צן על אשר לא קדשתם אותי בתוך בני ישראל
|
B לג:ד תורה צוה לנו משה מורשה קהלת יעקב
|
|
C לב:נב כי מנגד תראה את הארץ ושמה לא תבוא אל הארץ אשר אני נתן לבני ישראל {פ}
|
C לג:ה ויהי בישרון מלך בהתאסף ראשי עם יחד שבטי ישראל
|
2א
A לג:ו יחי ראובן ואל ימת ויהי מתיו מספר {ס}
|
2ב
A לג:ח וללוי אמר תמיך ואוריך לאיש חסידך אשר נסיתו במסה תריבהו על מי מריבה לג:ט האמר לאביו ולאמו לא ראיתיו ואת אחיו לא הכיר ואת בנו לא ידע כי שמרו אמרתך ובריתך ינצרו לג:י יורו משפטיך ליעקב ותורתך לישראל ישימו קטורה באפך וכליל על מזבחך לג:יא ברך יהוה חילו ופעל ידיו תרצה מחץ מתנים קמיו ומשנאיו מן יקומון {ס}
|
|
B לג:ז וזאת ליהודה ויאמר שמע יהוה קול יהודה ואל עמו תביאנו ידיו רב לו ועזר מצריו תהיה {פ}
|
B לג:יב לבנימן אמר ידיד יהוה ישכן לבטח עליו חפף עליו כל היום ובין כתפיו שכן {ס}
|
3א
A לג:יג וליוסף אמר מברכת יהוה ארצו ממגד שמים מטל ומתהום רבצת תחת לג:יד וממגד תבואת שמש וממגד גרש ירחים לג:טו ומראש הררי קדם וממגד גבעות עולם לג:טז וממגד ארץ ומלאה ורצון שכני סנה תבואתה לראש יוסף ולקדקד נזיר אחיו
|
3ב
A לג:יח ולזבולן אמר שמח זבולן בצאתך ויששכר באהליך
|
|
B לג:יז בכור שורו הדר לו וקרני ראם קרניו בהם עמים ינגח יחדו אפסי ארץ והם רבבות אפרים והם אלפי מנשה {ס}
|
B לג:יט עמים הר יקראו שם יזבחו זבחי צדק כי שפע ימים יינקו ושפני טמוני חול {ס}
|
4א
A לג:כ ולגד אמר ברוך מרחיב גד כלביא שכן וטרף זרוע אף קדקד לג:כא וירא ראשית לו כי שם חלקת מחקק ספון ויתא ראשי עם צדקת יהוה עשה ומשפטיו עם ישראל {ס}
|
4ב
A לג:כג ולנפתלי אמר נפתלי שבע רצון ומלא ברכת יהוה ים ודרום ירשה {ס}
|
|
B לג:כב ולדן אמר דן גור אריה יזנק מן הבשן
|
B לג:כד ולאשר אמר ברוך מבנים אשר יהי רצוי אחיו וטבל בשמן רגלו לג:כה ברזל ונחשת מנעלך וכימיך דבאך
|
5א
A לג:כו אין כאל ישרון רכב שמים בעזרך ובגאותו שחקים לג:כז מענה אלהי קדם ומתחת זרעת עולם ויגרש מפניך אויב ויאמר השמד
|
5ב
A לד:א ויעל משה מערבת מואב אל הר נבו ראש הפסגה אשר על פני ירחו ויראהו יהוה את כל הארץ את הגלעד עד דן לד:ב ואת כל נפתלי ואת ארץ אפרים ומנשה ואת כל ארץ יהודה עד הים האחרון לד:ג ואת הנגב ואת הככר בקעת ירחו עיר התמרים עד צער לד:ד ויאמר יהוה אליו זאת הארץ אשר נשבעתי לאברהם ליצחק וליעקב לאמר לזרעך אתננה הראיתיך בעיניך ושמה לא תעבר
|
|
B לג:כח וישכן ישראל בטח בדד עין יעקב אל ארץ דגן ותירוש אף שמיו יערפו טל
|
B לד:ה וימת שם משה עבד יהוה בארץ מואב על פי יהוה לד:ו ויקבר אתו בגי בארץ מואב מול בית פעור ולא ידע איש את קברתו עד היום הזה לד:ז ומשה בן מאה ועשרים שנה במתו לא כהתה עינו ולא נס לחה לד:ח ויבכו בני ישראל את משה בערבת מואב שלשים יום ויתמו ימי בכי אבל משה לד:ט ויהושע בן נון מלא רוח חכמה כי סמך משה את ידיו עליו וישמעו אליו בני ישראל ויעשו כאשר צוה יהוה את משה
|
|
C לג:כט אשריך ישראל מי כמוך עם נושע ביהוה מגן עזרך ואשר חרב גאותך ויכחשו איביך לך ואתה על במותימו תדרך {ס}
|
C לד:י ולא קם נביא עוד בישראל כמשה אשר ידעו יהוה פנים אל פנים לד:יא לכל האתת והמופתים אשר שלחו יהוה לעשות בארץ מצרים לפרעה ולכל עבדיו ולכל ארצו לד:יב ולכל היד החזקה ולכל המורא הגדול אשר עשה משה לעיני כל ישראל {ש}
|