ספר דברים יחידה 10
(כח:א-כח:סח)
1א
A כח:א והיה אם שמוע תשמע בקול יהוה אלהיך לשמר לעשות את כל מצותיו אשר אנכי מצוך היום ונתנך יהוה אלהיך עליון על כל גויי הארץ כח:ב ובאו עליך כל הברכות האלה והשיגך כי תשמע בקול יהוה אלהיך
|
1ב
A כח:ח יצו יהוה אתך את הברכה באסמיך ובכל משלח ידך וברכך בארץ אשר יהוה אלהיך נתן לך
|
1ג
A כח:יב יפתח יהוה לך את אוצרו הטוב את השמים לתת מטר ארצך בעתו ולברך את כל מעשה ידך והלוית גוים רבים ואתה לא תלוה
|
|
B כח:ג ברוך אתה בעיר וברוך אתה בשדה כח:ד ברוך פרי בטנך ופרי אדמתך ופרי בהמתך שגר אלפיך ועשתרות צאנך כח:ה ברוך טנאך ומשארתך כח:ו ברוך אתה בבאך וברוך אתה בצאתך
|
B כח:ט יקימך יהוה לו לעם קדוש כאשר נשבע לך כי תשמר את מצות יהוה אלהיך והלכת בדרכיו כח:י וראו כל עמי הארץ כי שם יהוה נקרא עליך ויראו ממך
|
B כח:יג ונתנך יהוה לראש ולא לזנב
|
|
C כח:ז יתן יהוה את איביך הקמים עליך נגפים לפניך בדרך אחד יצאו אליך ובשבעה דרכים ינוסו לפניך
|
C כח:יא והותרך יהוה לטובה בפרי בטנך ובפרי בהמתך ובפרי אדמתך על האדמה אשר נשבע יהוה לאבתיך לתת לך
|
C והיית רק למעלה ולא תהיה למטה כי תשמע אל מצות יהוה אלהיך אשר אנכי מצוך היום לשמר ולעשות כח:יד ולא תסור מכל הדברים אשר אנכי מצוה אתכם היום ימין ושמאול ללכת אחרי אלהים אחרים לעבדם {פ}
|
2א
A כח:טו והיה אם לא תשמע בקול יהוה אלהיך לשמר לעשות את כל מצותיו וחקתיו אשר אנכי מצוך היום ובאו עליך כל הקללות האלה והשיגוך
|
2ב
A כח:כז יככה יהוה בשחין מצרים ובעפלים (ובטחרים) ובגרב ובחרס אשר לא תוכל להרפא
|
2ג
A כח:לח זרע רב תוציא השדה ומעט תאסף כי יחסלנו הארבה
|
|
B כח:טז ארור אתה בעיר וארור אתה בשדה כח:יז ארור טנאך ומשארתך כח:יח ארור פרי בטנך ופרי אדמתך שגר אלפיך ועשתרת צאנך כח:יט ארור אתה בבאך וארור אתה בצאתך
|
B כח:כח יככה יהוה בשגעון ובעורון ובתמהון לבב כח:כט והיית ממשש בצהרים כאשר ימשש העור באפלה ולא תצליח את דרכיך והיית אך עשוק וגזול כל הימים ואין מושיע
|
B כח:לט כרמים תטע ועבדת ויין לא תשתה ולא תאגר כי תאכלנו התלעת
|
|
C כח:כ ישלח יהוה בך את המארה את המהומה ואת המגערת בכל משלח ידך אשר תעשה עד השמדך ועד אבדך מהר מפני רע מעלליך אשר עזבתני
|
C כח:ל אשה תארש ואיש אחר ישגלנה (ישכבנה) בית תבנה ולא תשב בו כרם תטע ולא תחללנו כח:לא שורך טבוח לעיניך ולא תאכל ממנו חמרך גזול מלפניך ולא ישוב לך צאנך נתנות לאיביך ואין לך מושיע
|
C כח:מ זיתים יהיו לך בכל גבולך ושמן לא תסוך כי ישל זיתך
|
|
D כח:כא ידבק יהוה בך את הדבר עד כלתו אתך מעל האדמה אשר אתה בא שמה לרשתה
|
D כח:לב בניך ובנתיך נתנים לעם אחר ועיניך ראות וכלות אליהם כל היום ואין לאל ידך
|
D כח:מא בנים ובנות תוליד ולא יהיו לך כי ילכו בשבי
|
|
E כח:כב יככה יהוה בשחפת ובקדחת ובדלקת ובחרחר ובחרב ובשדפון ובירקון ורדפוך עד אבדך כח:כג והיו שמיך אשר על ראשך נחשת והארץ אשר תחתיך ברזל
|
E כח:לג פרי אדמתך וכל יגיעך יאכל עם אשר לא ידעת והיית רק עשוק ורצוץ כל הימים כח:לד והיית משגע ממראה עיניך אשר תראה
|
E כח:מב כל עצך ופרי אדמתך יירש הצלצל
|
|
F כח:כד יתן יהוה את מטר ארצך אבק ועפר מן השמים ירד עליך עד השמדך
|
F כח:לה יככה יהוה בשחין רע על הברכים ועל השקים אשר לא תוכל להרפא מכף רגלך ועד קדקדך
|
F כח:מג הגר אשר בקרבך יעלה עליך מעלה מעלה ואתה תרד מטה מטה כח:מד הוא ילוך ואתה לא תלונו הוא יהיה לראש ואתה תהיה לזנב
|
|
G כח:כה יתנך יהוה נגף לפני איביך בדרך אחד תצא אליו ובשבעה דרכים תנוס לפניו והיית לזעוה לכל ממלכות הארץ כח:כו והיתה נבלתך למאכל לכל עוף השמים ולבהמת הארץ ואין מחריד
|
G כח:לו יולך יהוה אתך ואת מלכך אשר תקים עליך אל גוי אשר לא ידעת אתה ואבתיך ועבדת שם אלהים אחרים עץ ואבן כח:לז והיית לשמה למשל ולשנינה בכל העמים אשר ינהגך יהוה שמה
|
G כח:מה ובאו עליך כל הקללות האלה ורדפוך והשיגוך עד השמדך כי לא שמעת בקול יהוה אלהיך לשמר מצותיו וחקתיו אשר צוך כח:מו והיו בך לאות ולמופת ובזרעך עד עולם כח:מז תחת אשר לא עבדת את יהוה אלהיך בשמחה ובטוב לבב מרב כל כח:מח ועבדת את איביך אשר ישלחנו יהוה בך ברעב ובצמא ובעירם ובחסר כל ונתן על ברזל על צוארך עד השמידו אתך
|
3א
כח:מט ישא יהוה עליך גוי מרחק מקצה הארץ כאשר ידאה הנשר גוי אשר לא תשמע לשנו כח:נ גוי עז פנים אשר לא ישא פנים לזקן ונער לא יחן כח:נא ואכל פרי בהמתך ופרי אדמתך עד השמדך אשר לא ישאיר לך דגן תירוש ויצהר שגר אלפיך ועשתרת צאנך עד האבידו אתך כח:נב והצר לך בכל שעריך עד רדת חמתיך הגבהת והבצרות אשר אתה בטח בהן בכל ארצך והצר לך בכל שעריך בכל ארצך אשר נתן יהוה אלהיך לך כח:נג ואכלת פרי בטנך בשר בניך ובנתיך אשר נתן לך יהוה אלהיך במצור ובמצוק אשר יציק לך איבך
|
3ב
כח:נד האיש הרך בך והענג מאד תרע עינו באחיו ובאשת חיקו וביתר בניו אשר יותיר כח:נה מתת לאחד מהם מבשר בניו אשר יאכל מבלי השאיר לו כל במצור ובמצוק אשר יציק לך איבך בכל שעריך
|
3ג
כח:נו הרכה בך והענגה אשר לא נסתה כף רגלה הצג על הארץ מהתענג ומרך תרע עינה באיש חיקה ובבנה ובבתה כח:נז ובשליתה היוצת מבין רגליה ובבניה אשר תלד כי תאכלם בחסר כל בסתר במצור ובמצוק אשר יציק לך איבך בשעריך
|
4א
כח:נח אם לא תשמר לעשות את כל דברי התורה הזאת הכתבים בספר הזה ליראה את השם הנכבד והנורא הזה את יהוה אלהיך כח:נט והפלא יהוה את מכתך ואת מכות זרעך מכות גדלת ונאמנות וחלים רעים ונאמנים כח:ס והשיב בך את כל מדוה מצרים אשר יגרת מפניהם ודבקו בך כח:סא גם כל חלי וכל מכה אשר לא כתוב בספר התורה הזאת יעלם יהוה עליך עד השמדך כח:סב ונשארתם במתי מעט תחת אשר הייתם ככוכבי השמים לרב כי לא שמעת בקול יהוה אלהיך כח:סג והיה כאשר שש יהוה עליכם להיטיב אתכם ולהרבות אתכם כן ישיש יהוה עליכם להאביד אתכם ולהשמיד אתכם ונסחתם מעל האדמה אשר אתה בא שמה לרשתה
|
4ב
כח:סד והפיצך יהוה בכל העמים מקצה הארץ ועד קצה הארץ ועבדת שם אלהים אחרים אשר לא ידעת אתה ואבתיך עץ ואבן כח:סה ובגוים ההם לא תרגיע ולא יהיה מנוח לכף רגלך ונתן יהוה לך שם לב רגז וכליון עינים ודאבון נפש כח:סו והיו חייך תלאים לך מנגד ופחדת לילה ויומם ולא תאמין בחייך כח:סז בבקר תאמר מי יתן ערב ובערב תאמר מי יתן בקר מפחד לבבך אשר תפחד וממראה עיניך אשר תראה
|
4ג
כח:סח והשיבך יהוה מצרים באניות בדרך אשר אמרתי לך לא תסיף עוד לראתה והתמכרתם שם לאיביך לעבדים ולשפחות ואין קנה {ס}
|